پشاور(این این آئی)جنوبی وزیرستان کے عمائدین بھارت کیخلاف میدان میں آگئے ،عمائدین نے اعلان کیا ہے کہ اگر بھارت نے حملہ کیا تو تمام قبائلی عوام پاک فوج کے شانہ بشانہ لڑینگے پشاور پریس کلب میں ملک مسعود احمدمحسود اورملک اجمل خان کی سربراہی میں قبائلی عمائدین جمع ہوئے ،انکا کہنا تھا کہ بھارت کے جنگی عزائم اور دھمکیوں سے پاکستانی قوم اور قبائلی ڈرنے والے نہیں ،قبائلی پاکستان سرحدوں کے محافظ ہیں جو پہلے بھی کشمیر کی آزادی لڑیں ،آئندہ بھی ہر جارحیت کی صورت میں پاک فوج کے شانہ بشانہ ہونگے ،انہوں نے خبر دار کیا کہ اگر بھارت نے پاکستان پر حملہ کرنے کا سوچا بھی تو کروڑوں قبائلی عوام پاک فوج کے ساتھ کھڑے ہونگے اور بھارتی فوج کیخلاف سیسہ پلائی ہوئی دیوار ثابت ہونگے ۔