کراچی (آئی این پی ) اسٹیٹ بینک آف پاکستان نے نیشنل کاؤنٹر ٹیررزم اتھارٹی (نیکٹا )کی ہدایات پر عمل درآمد کا آغاز کردیا، دہشت گرد تنظیموں اور ان کے سہولت کاروں کے اکاؤنٹ منجمد کرنا شروع کردیئے۔ دہشت گرد تنظیموں اور ان کے سہولت کاروں کے اکاؤنٹ منجمد کرنے کے معاملے پر اسٹیٹ بینک نے نیکٹا کی ہدایات پر عمل درآمد شروع کردیا ہے اور شیڈول 4 میں شامل افراد کے ملک بھرمیں 2 ہزار 100 کے قریب بینک اکاؤنٹس منجمد کردیے گئے۔ ذرائع کے مطابق اسٹیٹ بینک کو شیڈول4 میں شامل افراد کے نام اورشناختی کارڈزکی فہرستیں دی گئی تھیں، اسٹیٹ بینک نے نجی بینکوں کو 15 روز قبل ہدایات جاری کیں تھیں۔ ذرائع کا کہنا ہے کہ شیڈول4 میں شامل افراد کی فہرستیں ضلعوں کی سطح پرحال ہی میں اپ ڈیٹ کی گئی ہیں۔‎

موضوعات:اسٹیٹ بنک آف پاکستان