پشاور(این این آئی) پاکستان تحریک انصاف فاٹا نے رائیونڈ مارچ کیلئے قبائلی روایتی فورس ’’شلگون ‘‘ کے نام سے تیارکرلی جس کے ساتھ ڈنڈے ‘ تلوار اور غلیل ہونگے۔ اس سلسلے میں گزشتہ روز پشاور پریس کلب کے باہر ریلی نکالی گئی جس کی قیادت فاٹا کے رہنماء اقبال آفریدی کر رہے تھے ۔ مقررین کا کہنا تھا کہ شلگون فورس میں فاٹا کے ہر ایجنسی اور ایف آر علاقوں سے 250 جوان شامل کئے ہیں جس کی کل تعداد 1500 پر مشتمل ہے ، قبائلی روایتی فورس شلگون 27 تاریخ کو روانہ ہو گی جو کہ لاہور کے تمام تھانوں کے ساتھ رابطہ قائم کریگی اور انہیں یہ بھی بتایا جائیگا کہ جو لوگ بد نظمی کرینگے اسے گرفتار کر کے تھانوں کے حوالے کیا جائیگا ۔ انہوں نے کہا کہ قبائلی روایتی فورس ’’ شلگون ‘‘ رائیونڈ مارچ کے شرکاء کو قبائلی روایات کے مطابق تحفظ فراہم کریگی ۔