سکھر(این این آئی)سکھرمیں وزیر اعلیٰ کے پروٹوکول دینے کے لیے کھڑے پولیس اہلکاروں کی دوڑیں لگ گئیں ، وزیر اعلیٰ سے قبل روڈ پر بھینسیں آپہنچی ، بے چارے صبح سے کھڑے اہلکار بھینسوں کے پیچھے بھاگتے اور انہیں بھگاتے رہے تفصیلات کے مطابق وزیر اعلیٰ سندھ کی بائی پاس پر آمد سے قبل وہاں پراس وقت اچانک دلچسپ صورتحال پیدا ہو گئی جب وزیر اعلیٰ کی آمد سے قبل روڈ پر بڑی تعدادمیں بھنسیں آگئیں جنہیں دیکھ کر وہاں پر وزیر اعلیٰ کے پروٹوکول کے لیے کھڑے اہلکاروں میں بھگدڑ مچ گئی اور وہ ڈنڈے اٹھاکر بھینسوں کو بھگاتے اور خود ان کی پیچھے بھاگتے رہے اور کافی دیر تک کوششوں کے بعد آخرکار وہ بھینسوں کو بھگانے میں کامیاب ہو گئے جس کے بعد ان کی سانس میں سانس آئی یہ بے چارے پولیس کے اہلکار صبح سے ہی ڈیوٹی پر موجود تھے ڈیوٹی کرکے تھکے ہو ئے تھے کہ بھینسوں نے ان کو اور بھگا کر تھکا دیا۔

موضوعات:وزیراعلیٰ