اسلام آباد(مانیٹرنگ ڈیسک) پشاور شہر بہت بڑی تباہ سے بچ گیا۔ تفصیلات کے مطابق پشاور شہر کےمرکز میں واقع مفتی محمود پل کو دھماکہ خیز مواد سے تباہ کرنے کا منصوبہ تھا مگر سیکیورٹی فورسز کی بروقت کارروائی سے پل پر نصب بم ناکارہ بنا دیا گیا جس سے پاکستان کا یہ بڑا شہر بہت بڑے جانی اور مالی نقصان سے بال بال بچ گیا۔
پولیس نے علاقے کا سرچ آپریشن شروع کر دیا ہے ۔ جبکہ پل کو عوام کی آمدو رفت کے لئے کھول دیا گیا ہے۔ واضح رہے کہ یہ پل گزشتہ سال اپریل میں عوام کے لئے کھولا گیا تھا۔
