اسلام آباد(مانیٹرنگ ڈیسک)پاکستان تحریک انصاف امریکہ کی قیادت کی جانب سے عمران خان کی جانب سے نواز شریف کی تقریر کے موقع پر اقوام متحدہ کی عمارت کے باہر احتجاج کرنے کا حکم ماننے سے انکار کر دیا ہے ۔
تفصیلات کے مطابق چیئرمین تحریک انصاف عمران خان کی جانب سے تحریک انصاف امریکہ کو ہدایات جاری کی گئی تھیں کہ نواز شریف کے اقوام متحدہ کے خطاب کے موقع پر تحریک انصاف کے کارکنان پانامہ لیکس کے متعلق احتجاج کریں ۔مگر تحریک انصاف امریکہ کی جانب سے یہ کہہ کر انکار کر دیا گیا کہ نواز شریف اس وقت امریکہ میں کشمیر کا مقدمہ بہت اچھے انداز میں لڑ رہے ہیں ایسے وقت میں ان کے خلاف کسی قسم کا اقدام کرنے کی بجائے ان کا ساتھ دیا جائے گا۔
