اسلام آباد(مانیٹرنگ ڈیسک) بھارتی میڈیا کی جانب سے پاکستان پر الزامات لگانے کا سلسلہ جاری ہے ۔ بھارتی میڈیاکی جاری کردہ ایک رپورٹ کے مطابق پاکستان نےاپنا ڈرون براق سرحدی علاقوں میں اڑانا شروع کر دیا ہے ۔
بھارتی سیکیورٹی فورسز کے مطابق پاک بھارت سرحد سے پانچ سو میٹر دوری پربغیرپائلٹ کے اڑائے جانے والے ڈرون حملے کی مدد سے بھارتی سرحدی علاقوں میں فوجی انتظامات کا جائزہ لیا جا رہا ہے اور بھارتی سرحدی علاقوں کی تصاویر بنائی جا رہی ہے ۔ بھارتی میڈیا کی رپورٹ کے مطابق پاکستان رینجرز کے ساتھ ہونے والی فلیگ میٹنگ کےمیں بھارتی بارڈر سیکیورٹی فورس نے اس معاملے کو اٹھایا ۔ مگر پاکستانی حکام نے اس طرح کے الزاما ت کی تردید کر دی۔ میڈیا رپورٹ کے مطابق بھارتی سیکیورٹی فورسز کئی روز سے رات کے وقت آسمان پر سرخ رنگ کی روشنی کو دیکھ رہے تھے جب ماہرین نے اس کا تجزیہ کیا تو ان پر انکشاف ہوا کہ یہ پاکستانی ڈرون براق ہو سکتا ہے جو سرحدری علاقوں میں پاکستان کی جانب سے جاسوسی مشن پر ہے۔
واضح رہے کہ پاک فوج کے شعبہ تعلقات عامہ کی جانب سے بھارت کی جانب سے سرحدی خلاف ورزیوں کے الزامات کی سختی سے تردید کی گئی ہے ۔ آئی ایس پی آر کی پریس ریلیز کے مطابق بھارت کی جانب سے لائن آف کنٹرول اور انٹرنیشنل بارڈر پر کسی بھی قسم کی سرحدی خلاف ورزیوں کے الزامات کو مکمل طور پر مسترد کر دیا گیا ہے ۔
