کراچی (این این آئی)پاکستان کے ٹیسٹ کپتان مصباح الحق نے کہا ہے کہ عمران خان میرے آئیڈیل ہیں ٗ 1992کے ورلڈ کپ میں ان کے لڑنے کے انداز اور عزم سے مجھے نئی طاقت ملی۔ایک انٹرویو میں مصباح الحق نے کہا کہ ایک روزہ میچز میں خراب کارکردگی کی وجہ ڈومیسٹک ڈھانچہ ہے۔ڈومیسٹک سطح پر بھی پچاس اوورز کا صرف ایک ٹورنامنٹ رہ گیا ہے ٗکلب کرکٹ بھی اب بیس اوورز تک محدود ہوگئی ہے۔مصباح الحق نے کہا کہ ون ڈے کی رینکنگ میں اوپر آنے کیلئے پچاس اوورز کی کرکٹ زیادہ کھیلنا ہو گی۔ناکامی کا ذمہ دار ہمیشہ کپتان نہیں ہوتا سب گیم پلاننگ سے ہوتا ہے۔ٹی ٹونٹی میچوں کی بہتات کی وجہ سے لڑکوں کو سیٹ ہونے میں پرابلم ہو رہی ہیں۔وہ اب ون ڈے کے مزاج سے ہم آہنگ نہیں ہو رہے۔

موضوعات:مصباح الحق