لاہور(مانیٹرنگ ڈیسک)پاکستان مسلم لیگ(ن) کے مرکزی رہنما اوررکن قومی اسمبلی حمزہ شہباز شریف نے کہاہے کہ عمران خان رائیونڈ آئیں انہیں خوش آمدید کہیں گے۔ایک نجی ٹی وی کے مطابق عمران خان کی جانب سے رائے ونڈ مارچ کی نئی تاریخ کے اعلان پر پاکستان مسلم لیگ کے رہنماء اور رکن قومی اسمبلی حمزہ شہباز نے عمران خان کو رائے ونڈ آنے پر مٹھائی پیش کرنے کا اعلان کردیا۔انہوں نے کہاکہ عمران خان اپناپرامن احتجاج ریکارڈکرائیں توانہیں خوش آمدید کہیں گے ۔واضح رہے کہ اتوارکے روز عمران خان نے پاناما لیکس کی تحقیقات اور کرپشن کے خاتمے کیلئے 30 ستمبر کو رائے ونڈ میں بھرپور احتجاج کا اعلان کیا ہے۔