فیروز والا(این این آئی)گدھے ،کتے،گھوڑے کھانے والوں کیلئے ایک اور بُری خبر،اس چیز کا گوشت بھی زد میں آگیا جس پر اعتبارتھا،لوگ جانوروں کے گوشت کے بارے میں خدشات کا اظہار کرتے ہوئے مرغی کے گوشت پر انحصار کرنا شروع ہوگئے تھے اب مرغیوں کا مردہ گوشت بھی کھلایاجانے لگا۔ پیٹرولنگ پولیس اورمحکمہ لائیواسٹاک نے کوٹ عبدالمالک کے قریب ایک گاڑی سے مردہ مرغیوں کا 20 من گوشت برآمد کرتے ہوئے 5 ملزمان کو حراست میں لے لیا۔اطلاعات کے مطابق فیروزوالا کے علاقے کوٹ عبدالمالک میں خان پورنہرکے قریب پیٹرولنگ پولیس اورمحکمہ لائیواسٹاک نے ایک گاڑی کی تلاشی کے دوران بڑی مقدارمیں مردہ مرغیوں کا 20 من گوشت برآمد کرلیا۔محکمہ لائیواسٹاک کے حکام نے بتایا کہ مردہ مرغیوں کا گوشت شیخوپورہ سیلاہورلایاجارہاتھا، اس کارروائی میں ملوث 5 ملزمان کو حراست میں لے لیا گیا ہے جن سے تفتیش کی جارہی ہے۔