فیصل آباد (آن لائن)وزیراعظم میاں محمد نواز شریف کی جلد صحت یابی اور درازی عمر کے سلسلہ میں فیصل آباد سمیت ملک بھر میں بکروں کا صدقہ ،غرباء مساکین میں کھانا بھی تقسیم اور دعائیہ تقریبات کا سلسلہ جاری ، جبکہ وفاقی وزیر مملکت برائے پانی و بجلی چوہدری عابد شیر علی بھی تیمارداری کے لئے اپنی فیملی کے دیگر افراد کے ہمراہ لندن پہنچ گئے آن لائن کے مطابق فیصل آباد سمیت ملک بھر میں مسلم لیگ ن کے مقامی رہنما ؤں اور دیگر تاجروں تنظیموں کی جانب سے وزیراعظم میاں محمد نواز شریف کی اوپن ہارٹ سرجری کے کامیاب آپریشن ان کی جلد صحت یابی اور درازی عمر کیلئے دعائیہ تقریبات کا اہتمام کیا جارہا ہے گذشتہ روز پاکستان مسلم لیگ ن پی پی کے زیراہتمام پاکستان مسلم لیگ کے مرکزی رہنماو سابق ایم این اے بابائے سیاست چوہدری شیر علی اور امیر شہر خواجہ محمد اسلام کی زیر صدار ت چوک گھنٹہ گھر میں دعائیہ تقریب کا اہتمام کیا گیا یہاں بکروں کا صدقہ اور غرباء مساکین میں کھانا بھی تقسیم کیا گیا ‘ اس موقع پر وزیراعظم کی جلد صحت یابی کیلئے خصوصی دعا کرائی گئی اور تقریب میں تاجر صنعت کار پارٹی ورکرز و عہدیدار ارکان قومی وصوبائی اسمبلی کثیر تعداد میں شرکت کی۔علاوہ ازیں وزیر مملکت پانی و بجلی چوہدری عابد شیر علی اپنے قائد وزیراعظم میاں نواز شریف کی تیمارداری کے لئے اپنی فیملی کے دیگر افراد کے ہمراہ لندن پہنچ گئے لندن پہنچنے والوں میں وزیراعلی پنجاب میاں شہباز شریف ‘ حمزہ شہباز ‘ چوہدری عابد شیر علی‘ بیگم کلثوم نواز ‘ محترمہ مریم نواز و دیگر شامل ہیں لندن پہنچتے ہی چوہدری عابد شیر علی نے وزیراعظم میاں نواز شریف سے ملاقات کی اور انہیں اپنے اور اپنے والد محترم چوہدری شیر علی کے جذبات سے آگاہ کیا اور بتایا کہ اس وقت ساری قوم آپ کی صحت کاملہ کے لئے دعا گو ہے اس موقع پر میاں نواز شریف نے چوہدری عابد شیر علی کے جذبات کو سراہا اور ٹیلی فون پر اپنے قریبی عزیز چوہدری شیر علی کے ساتھ بھی گفتگو کی جس کے دوران چوہدری شیر علی نے وزیراعظم کو حوصلہ دیا اور کہا کہ آپ پریشان نہ ہوں خدا کے فضل و کرم سے آپ کا دل کا آپریشن کامیاب ہو گا اور آپ بہت جلد صحت یاب ہو کر پاکستان پہنچ جائیں گے ۔