پشاور (این این آئی) خیبر پختونخوا حکومت نے صوبے میں تعلیمی اداروں کی بندش کیلئے گائیڈ لائن جاری کر دی ۔نجی ٹی وی کے مطابق وزیر اعظم کے حالیہ دورہ بنوں کے موقع پر سرکاری سکولوں کی بندش کے بعد صوبائی حکومت نے گائیڈ لائن جاری کردی جس کے مطابق اب سکولوں کی بندش کیلئے محکمہ تعلیم سے مشاورت لازمی ہو گی ۔صوبائی حکومت کی تیار کردہ گائیڈ لائن میں کہا گیا کہ اب کسی وی آئی پی یا وی وی آئی پی کی آمد پر کوئی سکول بند نہیں کیا جائیگا بلکہ سکیورٹی خطرات لاحق ہونے پر ہی سکولوں کو بند کرنے کا فیصلہ کیا جائے گا ۔ ذرائع کا کہناہے کہ گائیڈ لائن کا مسودہ تمام ڈپٹی کمشنرز کو ارسال کرد یا گیا