اسلام آباد(نیوزڈیسک) لیاری گینگ وارکے سرغنہ عزیربلوچ کے انکشاف پرکراچی کے علاقے لیاری میں پیپلز پارٹی کی رکن قومی اسمبلی ثانیہ ناز کے گھر پر چھاپہ مارا گیا ہے۔ایک نجی ٹی وی چینل کے مطابق قانون نافذ کرنے والے اداروں کی جانب سے پیپلز پارٹی کی رہنما اور رکن سندھ اسمبلی ثانیہ ناز کے کراچی کے علاقے لیاری میں واقع گھر پر چھاپہ مارا گیا ہے۔ اس دوران ثانیہ ناز سے لیاری گینگ وار کے سرغنہ عزیر بلوچ کے انکشافات کے حوالے پوچھ گچھ کی گئی اورثانیہ ناز کے قبضے سے کئی اہم دستاویزات بھی ساتھ قانون نافذکرنے والے اداروں نے حاصل کرلیں۔