کراچی (نیوزڈیسک)کراچی میں پی آئی اے ملازمین پر فائرنگ سے ہلاکتوں کے بعد پی آئی اے کے چیئرمین ناصر جعفر نے اس واقعہ کی ذمہ داری قبول کرتے ہوئے استعفیٰ دیدیا ہے۔ذرائع سے گفتگو کرتے ہوئے انہوں نے کہا کہ میں ایک سال سے سب کو اکٹھا کرنے کی کوشش کر رہا تھا۔ آج کے واقعہ کے بعد میرے ضمیر پر بوجھ ہے اور اب میرا کام کرنے کو دل نہیں کرتا۔ میں نے اپنا استعفیٰ وزیراعظم نواز شریف کو بھجوا دیا ہے۔انہوں نے کہا کہ میں نے تنازع کے حل کیلئے اپنی پوری کوششیں کیں لیکن افسوس ہے کہ ایسا واقعہ ہوگیا۔ تین ملازمین کی ہلاکت کی تحقیقات ہونی چاہئے۔ملازمین اپنے پاوں پر کلہاڑی نہ ماریں بلکہ حکومت سے مل کر بات کریں۔ دوسری طرف وزیراعظم ہاوس نے استعفیٰ موصول ہونے کی تصدیق کر دی ہے