اسلام آباد(نیوزڈیسک) عوامی مسلم لیگ کے سربراہ شیخ رشیداحمد نے کہاہے کہ فائرنگ سے جاں بحق ہونے والے ملازمین کی ہلاکت کی ذمہ داری وفاقی وزیرپرویزرشید پرعائد ہوتی ہے ۔جو کہتے تھے احتجاج کرنے والوں کے پر کاٹ دینگے۔ایک نجی ٹی وی چینل سے گفتگوکرتے ہوئے شیخ رشید نے کہاکہ نوازشریف کی حکومت نے پی آئی اے کے ملازمین پر گولیاں چلا کرظلم کی انتہا کردی ۔انہوں نے کہاکہ وفاقی اور سندھ حکومت دونوں نااہل ہیں ۔انہوں نے کہاکہ سانحہ ماڈل ٹاﺅن کی تلخ یاد ایک بارپھرنوازحکومت نے تازہ کردی ہے ۔