کراچی (نیوزڈیسک)لیاری گینگ وارکے سرغنہ عزیربلوچ کی والدہ نے کہاہے کہ پیپلزپارٹی نے میرے بیٹے کوپیادے کے طورپراستعمال کیاجس کی سزاپیپلزپارٹی کوبھی بھگتناپڑے گیْ ۔ایک نجی ٹی وی چینل سے گفتگوکرتے ہوئے عزیر جان بلوچ کی سب سے بڑی بیٹی 14 سالہ یسریٰ نے دعویٰ کیا ہے کہ عزیر بلوچ کو انٹرپول نے 27 دسمبر 2014ء کو دبئی ائیر پورٹ سے گرفتار کیا تھا۔ نجی ٹی وی کے مطابق یسریٰ نے بتایا کہ جس وقت انکو حراست میں لیا گیا تھا میں انکے ہمراہ بیٹھی ہوئی تھی، حکام نے اس وقت صرف اتنا بتایا تھا کہ انہیں کچھ وقت کیلئے حراست میں لیا گیا ہے تاہم اسکے بعد 13 ماہ لگ گئے اور اس دن کے بعد ہم نے انکو آج دیکھا ہے، ہمیں خوشی ہے کہ وہ زندہ ہیں۔