اسلام آباد (نیوز ڈیسک) تحریک انصاف کے مرکزی سیکرٹری اطلاعات نعیم الحق نے کہا ہے کہ مسلم لیگ(ن) کا آمرانہ چہرہ پوری طرح بے نقاب ہو چکا ہے نواز شریف ماضی میں ضیاء الحق کے ساتھ مل کر صحافیوں اور اپنے حق کے لئے آواز اٹھانے والوں پر کوڑے برسایا کرتے تھے ۔ قومی ایئرلائن کے ملازمین کے حق کی آواز کو بند کرنے کے لئے طاقت کا استعمال کر کے مسلم لیگ(ن) نے اپنی آمرانہ سوچ کی تصدیق کر دی ہے یہ باتیں انہوں نے منگل کے روز اپنے ایک بیان میں کہی تحریک انصاف کے راہنما نعیم الحق کا کہنا تھا کہ پی ٹی آئی قومی ایئرلائن کے ملازمین کے ساتھ کھڑی ہے اور جمہوری آمریت کی شدید مذمت کرتی ہے حکومت پی آئی اے جیسے قومی اثاثے سے جان چھڑوانے کے لئے طاقت کا استعمال کر رہی ہے ۔ انہوں نے کہا کہ وفاقی حکومت پی آئی اے ملازمین کی آواز دبانے کے لئے قانون کا سہارا لینا انتہائی قابل مذمت ہے لاٹھی اور گولی کی سیاست نہیں چلنے دیں گے ۔