اسلام آباد (نیوز ڈیسک) قومی اسمبلی میں قائد حزب اختلاف خورشید شاہ نے کہا ہے کہ ملکی تاریخ میں پہلی بار کسی جمہوری حکومت نے ایکٹ لگایا ہے ۔ پی آئی اے میں لازمی خدمات ایکٹ ڈکٹیٹر لگاتے ہیں حکومت پٹرولیم مصنوعات سے ماہانہ 70 سے 72 ارب روپے ٹیکس لے رہی ہے ان خیالات کا اظہار انہوں نے منگل کے روز اسلام آباد میں میڈیا سے گفتگو کرتے ہوئے کیا انہوںنے کہا کہ پی آئی اے ملازمین پر شیلنگ کی مذمت کرتا ہوں حکومت نے پی آئی اے ملازمین پر تشدد کر کے آمریت کی یاد تازہ کر دی ۔ ملکی تاریخ میں پہلی بار کسی جمہوری حکومت نے ایکٹ لگایا ہے پی آئی اے میں لازمی خدمات کا ایکٹ صرف ڈکٹیٹر لگاتے تھے انہوں نے کہا کہ ضیاءالحق دور میں ایکٹ لگانے پر آئی ایل او پاکستان کی رکنیت منسوخ کر دی تھی ابھی بھی خدشہ ہے کہ آئی ایل او پاکستان کی رکنیت نہ منسوخ کر دے انہوں نے مزید کہا کہ وزیر داخلہ چودھری نثار کے ایشو پر پارلیمنٹ میں بات ہو گی ۔ حکومت پٹرولیم مصنوعات سے ماہانہ 70 سے 72 ارب روپے ٹیکس لے رہی ہے ۔