اسلام آباد(نیوز ڈیسک)تحریک انصاف ایک مرتبہ پھر وفاقی حکومت کے خلاف دھرنادینے پر غور کر رہی ہے۔ اس سلسلے میں عمران خان کی جانب سے اہم اعلان متوقع ہے۔خیبرپختونخواحکومت کے ایک ذمہ دار نے نجی ٹی وی چینل کوبتایا کہ تحریک انصاف ملک میں جاری مہنگائی اور این اے۔122کے انتخابات میں مبینہ دھاندلی کے خلاف دوبارہ دھرنا دینے پر غورکر رہی ہے۔اس حوالے سےچیئرمین تحریک انصاف عمران خان کی زیرصدارت میں اسلام آباد بنی گالہ میں پارٹی رہ نماوں کا اہم اجلاس بھی ہوا۔ جس میں جہانگیر ترین، شاہ محمود قریشی، شیرین مزاری اور بعض دیگر رہ نما شریک تھے۔ادھرشیرین مزاری نے اپنے ایک ٹویٹ میں کہا ہے کہ عمران خان آج کو اسلام آباد میں پریس کانفرنس کرکے اجلاس کے فیصلوں سے میڈیا کو آگاہ کریں گے۔