لاہور (نیوزڈیسک) عوامی مسلم لیگ کے سربراہ شیخ رشید احمد نے کہا ہے کہ ہمارے ملک میں ہر روز ہی جمہوریت خطرے میں ہوتی ہے ،اب وقت آگیا ہے کہ باریاں لینے والوں سے جان چھڑا لی جائے اور نئی قےادت کو موقع دیا جائے۔ عزیر بلوچ کی گرفتاری بڑا کام ہے اور جن لوگوں نے گاجریں کھائی ہیں انکے پیٹ میں مروڑ بھی اٹھنا شروع ہوگئے ہیں۔ ایک انٹر ویو میں شیخ رشید نے کہا کہ پاکستانی قوم خود اپنے حالات بدلنے کو تیار نہیں۔ اگر قوم چاہے تو حکمران ایک دن میں درست سمت کا تعین کر لیں۔ انہوں نے کہا کہ تاریخ میں پہلی مرتبہ ہوا ہے کہ پٹرول منرل واٹر سے بھی سستا ہوگیا ہے، بد قسمتی سے پاکستانی عوام اس سے مستفید نہیں ہوسکے۔