اسلام آباد(نیوزڈیسک)این اے122، میٹرو بس ،عمران خان نے اپناکام کردکھایا،حکومت کیلئے جواب دینا مشکل ہوگیا،عمران خان نے اس بار براہ راست وزیراعظم نوازشریف کو مناظرے کاچیلنج کرنے کی بجائے اسلام آباد میٹرو بس سروس کے اخراجات پر اسحاق ڈار کو مناظرے کا چیلنج کر دیا۔ کہتے ہیں عوام برداشت نہیں کریں گے کہ وزیراعظم مغل اعظم بن جائیں۔ این اے ایک سو بائیس کے الیکشن جائز نہیں تھے۔واضح رہے کہ مسلم لیگ ن اس سے قبل عمران خان کے مناظر ے کی دعوت پر اس لئے انکارکرتی رہی ہے کہ ان کا موقف تھا کہ وزیراعظم عمران خان کے ساتھ مناظرہ نہیں کریںگے اب دیکھنا یہ ہے کہ ن لیگ کے وزیرخزانہ اس پیشکش کو قبول کرتے ہیں یا نہیں؟تفصیلات کے مطابق کپتان کی اسلام آباد میں پریس کانفرنس حکومت پر سوالات کی بوچھاڑ کہتے ہیں بتایا جائے قرضوں کا پیسہ کدھر خرچ ہو رہا ہے۔ اسلام آباد میٹرو بس سروس پر ستر ارب خرچ ہوئے پچاس فیصد بسیں کھڑی ہیں۔ اسحاق ڈار میڈیا پر مناظرہ کر لیں۔عمران خان کا کہنا تھا کہ پہلے بچوں کو اسکول بھجوائیں، عوام کو بنیادی سہولتیں دیں پھر بلٹ ٹرین بنائیں یا میٹرو بس۔ عوام برداشت نہیں کریں گے کہ وزیراعظم مغل اعظم بن جائیں۔ پی ٹی آئی چیئرمین نے کہا کہ این اے ایک سو بائیس میں ساتھ والے حلقوں سے اکیس ہزار ووٹ آئے الیکشن کو جائز نہیں سمجھتے۔عمران خان نے معیشت کی بہتری کے حکومتی دعوو¿ں کو مسترد کرتے ہوئے کہا ہے کہ ترقی صرف اشتہارات میں ہی نظر آتی ہے۔ تحریک انصاف کے مرکزی رہنما اسدعمر نے اعداد و شمار کی مدد سے بتایا کہ موجودہ حکومت نے پیپلز پارٹی کی حکومت سے زیادہ ملکی معیشت کو تباہ کیا ہر پاکستانی کو ایک لاکھ بارہ ہزار روپے کا مقروض بنا دیا گیا ہے۔ تحریک انصاف نے نون لیگ حکومت کی ڈھائی سالہ کارکردگی پر وائٹ پیپر بھی جاری کر دیا۔عمران خان کی پریس کانفرنس کے دوران ایبٹ آباد میں اغوا ہونے والے بچےکی دکھیاری ماں شدید احتجاج کیا۔ شبانہ بی بی کا کہنا تھا عمران خان نے وزیر اعلیٰ کو کارروائی کی ہدایت کی اور اس کا لخت جگر بازیاب کرانے کا یقین دلایا ہے۔ دیکھتی ہوں وعدہ پورا ہوتا ہے یا نہیں۔