اسلام آباد (نیوزڈیسک)پاکستان تحریک انصاف کے وکلاءایک بار پھر پارٹی فنڈز اور اکاو¿نٹس کی تفصیلات الیکشن کمیشن میں پیش نہ کر سکے۔ الیکشن کمیشن نے تحریک انصاف کو غیرملکی فنڈنگ سے متعلق کیس کی سماعت 21 دسمبر تک ملتوی کر دی گئی۔چیف الیکشن کمشنر سردار رضا خان کی سربراہی میں چار رکنی بینچ نے تحریک انصاف کو غیرملکیوں سے فنڈنگ حاصل کرنے سے متعلق کیس کی سماعت کی۔ سماعت کے دوران تحریک انصاف کے وکلاءنے استدعا کی کہ پارٹی وکیل انور منصور کراچی میں ہیں اس لئے وقت دیا جائے الیکشن کمیشن نے گزشتہ سماعت میں تحریک انصاف سے پارٹی فنڈز اور اکاو¿نٹس کی تفصیلات طلب کی تھیں تاہم بھی پی ٹی آئی کے وکلاءفنڈز تفصیلات فراہم نہ کر سکے۔تحریک انصاف کے منحرف رہنما اور درخواست گزار اکبر ایس بابر نے الیکشن کمیشن کے باہرمیڈیا سے گفتگو میں کہا کہ عمران خان نے تبدیلی کے نام پر کروڑوں اربوں روپے لیے،عمران خان پارسائی کے دعوے دار ہیں، تو تفصیلات کیوں نہیں دیتے۔ انہوں نے کہاکہ عمران خان جتنا مرضی معاملہ التوا میں ڈالیں، ہم قانونی راستہ اختیار کریں گے۔ انہوںنے کہاکہ جس دن یہ تفصیلات سامنے آئیں گی۔ اس دن کروڑوں اربوں کی کرپشن بھی سامنے آئے گی، وہ دوسروں پر الزام لگانے والے خود اسٹے کے پیچھے چھپتے ہیں۔