اسلام آباد(نیوزڈیسک)اسلام آبادمیں بلدیاتی انتخابات شفاف تھے . پی ٹی آئی کے پولنگ ایجنٹس نے وفاقی دار الحکومت اسلام آباد کے بلدیاتی انتخابات کو شفاف اور غیر جانبدارانہ قرار دے دیا، پولنگ ایجنٹس کی اکثریت نے کہا ہے کہ پولنگ کا عملی پر امن ماحول میں شفاف اور غیر جانبدارانہ رہا۔ پیر کو میڈیا کے نمائندوں کی طرف سے اسلام آباد کے شہری اور دیہی علاقوں میں پولنگ اسٹیشنوں کے معائنے کے دورانپی ٹی آئی کے پولنگ ایجنٹوں سے خصوصی طور پر استفسار کیا گیا کہ کیا پولنگ کے عمل کو شفافیت اور غیر جانبداری کے حوالے سے وہ مطمئن ہیں تو 90فیصد سے زائد پولنگ ایجنٹس نے جواب دیا کہ انتخابی عمل شفافیت اور غیر جانبداری سے چل رہا ہے اور انہیں انتخابی عملے سے کوئی شکایت نہیں، پی ٹی آئی پولنگ ایجنٹس کا یہ بھی کہنا تھا کہ وہ پولنگ ختم ہونے کے بعد گنتی کے عمل میں شریک رہیں گے اور پریزائیڈنگ آفیسر سے تحریری رزلٹ کی کاپی حاصل کئے بغیر نہیں جائیں گے