اسلام آباد(نیوز ڈیسک)سی ڈی اے نے وفاقی دارالحکومت اسلام آباد میں شاہراہوں اورعام گزرگاہوں کی بندش سے متعلق رپورٹ سپریم کورٹ میں پیش کردی ہے جس میں سی ڈی اے نے انکشاف کیا کہ شہر اقتدارمیں 216 علاقے عوام کیلئے ممنوعہ ہیں۔رپورٹ کیمطابق غیرملکی سفارتخانوں نے 22 راستے سیل کر رکھے ہیں،سیکٹرجی سکس میں 37 ،جی نائن میں بارہ اورایف سکس میں 28 علاقے بند ہیں ،تیرہ علاقے وزارت دفاع،مذہبی امور،پی ٹی اے اورآئیسکونے بند کررکھے ?پندرہ جگہوں کوسیکورٹی پیرائے میں حسا س اداروں نے بندکررکھا ہے۔پولیس،مقامی انتظامیہ اورقانون نافذ کرنے والے دیگراداروں نے 84 شاہراہوں کو بند کررکھا ہے 57 راستوں اورگزرگاہوں پرمذہبی واقلیتی عبادت گاہوں،،علاقہ مکینوں اور سی ڈی اے کا قبضہ ہے،ایف سیکٹرکے بیشترعلاقے اورای سیون کوترپن جگہوں سے آمدورفت کے لیے بند کیا گیا۔