کراچی (نیوزڈیسک)ترکی ، انڈیا ، ایران سے براستہ افغانستا ن ”موت“پاکستان میں بانٹی جانے لگی،تہلکہ خیز انکشاف،تین افراد گرفتار،ایف آئی اے اینٹی کرپشن سرکل نے چھاپہ مار کر کراچی سے 8 کروڑ سے زائد اسمگل شدہ ادویات کو تحویل میں لے کر تین افراد کو گرفتار کر لیا ۔ یہ بات ایڈیشنل ڈائریکٹر ایف آئی اے اینٹی کارپوریشن سرکل جاوید اکبر ریاض نے جمعہ کو پر ہجوم پریس کانفرنس کے دوران بتائی ۔ انہوں نے کہا کہ ایف آئی اے کو خفیہ اطلاع ملی ، جس پر اس نے نبی باغ کے علاقہ غازیانی بلڈنگ ، گل پلازہ اور سینٹر پلازہ کے گوداموں سے اسمگل شدہ ادویات برآمد کر لیں جبکہ گودام کے مالک حاجی غلام محمد عرف حاجی گڈو کو ، عادل ملک اور گرداس میڈیکل جنرل اسٹور کے مالک غلام قادر کو گرفتار کر لیا ۔ برآمد کی جانے والی دواو ¿ں میں جان بچانے والی ادویات ، جنسی ادویات کی بڑی مقدار موجود ہے ۔ انہوں نے بتایا کہ یہ ادویات ترکی ، انڈیا ، سعودی عرب ، ایران سے براستہ افغانستا ن اور پھر پاکستان میں اسمگل ہوتی ہیں ۔ اسمگل کے دوران ادویات کا ٹمپریچر کنٹرول نہ ہونے کی وجہ سے یہ دوائیں قابل استعمال نہیں رہتیں جبکہ ان میں بعض ادویات کو ڈرگ اتھارٹی کی طرف بینڈ اور ان کی خرید و فروخت کے لےے لائسنس ہونا ضروری ہے ۔ انہوں نے مزید بتایا کہ غیر قانونی طریقے سے اسمگل کی جانے والی ادویات کو کھیپیوں کے ذریعہ کراچی ایئر پورٹ اور کراچی کے سمندری راستوں سے اسمگل کیا جاتا ہے ۔