لاہور(نیوزڈیسک )ایک سروے میں 55فیصد پاکستانیوں نے افغانستان اور بنگلہ دیش کے مقابلے میں بھارت کو پاکستان کا بدترین ریاستی دشمن قرار دے دیا ہے۔غیر سرکاری تنظیم میڈیا ڈور نے اپنی سوشل سائیٹ پر سوال کیا کہ خطے میں پاکستان کی داخلی و خارجی کی صورت حال میں سب سے زیادہ خطرہ کس ملک سے ہے؟۔ تنظیم نے اپنے سوال کے جواب کے لئے بھارت افغانستان اور بنگلہ دیش کے نام لکھے تھے۔سروے میں18 سے 40 سال تک کے مرد اور خواتین نے اپنے خیالات کا اظہار کیا، رائے دہندگان کی اکثریت نے بھارت کو پاکستان کا سب سے بڑا دشمن قرار دیا جب کہ 47 سال سے زائد عمر کے افراد نے پاک بھارت تعلقات کو باہمی تعاون سے بہتر بنانے پر زور دیا۔