اسلام آباد(نیوزڈیسک)کتنے سال ہوگئے،کون کون شرمندہ ہے،بی بی کے قاتل زندہ ہیں-پاکستان کی سابق وزیراعظم اورپیپلزپارٹی کی چیرپرسن محترمہ بے نظیربھٹوکی سالگرہ آج منائی جائے گی ۔بے نظیربھٹو21جون 1953میں پیداہوئیں اوروہ پاکستان کی گیارہوں وزیراعظم تھیں ۔انہوں نے دومرتبہ وزارت عظمی کاقلمدان سنبھالااوربے نظیربھٹو کو27دسمبر 2007میں لیاقت باغ میں ایک جلسہ کے بعد جب وہ الیکشن 2008کی انتخابی مہم چلارہی تھیں توان کوجلسہ کے بعد ایک خودکش بم دھماکہ میں شہید کردیاگیاجبکہ 24دیگرافراد بھی اس دھماکے کی زد میں آکراپنی جان کی بازی ہارگئے ۔ان کے قتل کی تحقیقات شروع ہوئیں اور اس کے بعد ان کے قتل کے مقدمہ کی سماعت شروع ہوگئی تھی اس دوران ان کی جماعت نے وفاق میں حکومت بنائی اورپیپلزپارٹی پانچ سال تک اقتدارمیں رہی تاہم ان کے قتل کے بارے میں کوئی اہم پیش رفت نہ ہوئی جبکہ ان کے قتل کی تحقیقات پاکستانی اوربرطانیہ کی پولیس نے بھی کیں ۔بے نظیربھٹو کی آج سالگرہ منائی جارہی ہے جوکہ ملک بھرمیں منائی جائے گی جس میں پارٹی رہنماءاورکارکنان اپنی پارٹی کی سربراہ کوملکی خدمات پرخراج تحسین پیش کرینگے ´۔