کراچی (نیوزڈیسک)کراچی میں گرمی کی شدید لہر نے شہریوں کی زندگی اجیرن کردی اور شہر قائد میں پارہ 45 ڈگری تک جا پہنچا جب کہ محکمہ موسمیات نے گرمی کی لہر مزید 2 دن برقرار رہنے کی پیش گوئی کی ہے۔کراچی میں سورج سوا نیزے پر رہا اور شہر میں آگ برساتی دھوپ نے شہریوں کی زندگی اجیرن کردی، محکمہ موسمیات کےمطابق شہر میں آج درجہ حرارت 45 ڈگری تک جا پہنچا جو گزشتہ دس سال کے دوران گرم ترین دن تھا۔محکمہ موسمیات نے کراچی میں گرمی کی لہر مزید 2 دن برقرار رہنے پیش گوئی کی ہے، محکمہ موسمیات کے حکام کا کہنا ہے کہ بحیرہ عرب میں ہوا کے کم دباو¿ کے باعث گرمی میں تیزی آئی اور سمندری ہوائیں نہ چلنے کے سبب شدید گرمی کی لہر برقرار ہے۔ محکمہ موسمیات کےمطابق شہر میں گرمی میں کمی آئندہ ہفتے کے دوران کم ہونے کا امکان ہے جب کہ مون سون بارشوں کا سلسلہ بھی 2 سے 3 ہفتوں بعد شروع ہونے کا امکان ہے۔