اسلا م آباد(نیوزڈیسک )ترجمان رینجرز کی جانب سے کراچی کے شہریوں کو ہر وقت اپنا شناختی کارڈ اپنے ہمراہ رکھنے کی ہدایت کی گئی ہے۔ترجمان رینجرز کی جانب سے جاری بیان میں کہا گیا ہے کہ کراچی کے شہری اپنا شناختی کارڈ ہر وقت اپنے پاس رکھیں،شناختی کارڈ کی کاپی قابل قبول نہیں ہوگی اور اگر کسی کے پاس شناختی کارڈ نہیں ہوگا تو اسے حراست میں لے لیا جائے گاجب کہ شناخت ثابت نہ ہونے تک اسے حراست میں ہی رکھا جائے گا۔ترجمان کا کہنا تھا کہ قانون نافذ کرنے والے ادارے شہر میں امن وامان کے قیام کے لیے دن رات محنت کررہے ہیں لہٰذا شہری بھی اس میں سکیورٹی اداروں کا ساتھ دیں۔
