اسلام ا باد (نیوز ڈیسک) وفاقی وزیر جہاز رانی و بندر گاہ کامران مائیکل نے کہاہے کہ گوادر پورٹ پر اڑھائی لاکھ ٹن وزنی جہاز لنگر انداز ہو سکے گا اور اس کی گہرائی نہ صرف پاکستان میں موجود بندرگاہوں سے زیادہ ہے بلکہ بندر گاہ خلیج فارس، بحیرہ عرب، بحر ہند، خلیج بنگال سے بھی زیادہ گہری ہے۔وفاقی وزیر کامران مائیکل کا کہنا تھا کہ وہ اس وقت گوادر پورٹ کو ا پریشنل کر چکے ہیں اور اس کی تین برتھیں ا پریشنل ہیں جن میں سے ہر ایک کی لمبائی کم از کم دو سو میٹر ہے۔ وفاقی وزیر نے کہا کہ وفاقی حکومت گوادر میں انٹرنیشنل اسٹینڈرڈ کا ایئر پورٹ تعمیر کر رہی ہے اس منصوبے پر چھبیس ارب روپے لاگت ا ئے گی اور جلد ہی اس منصوبے کا افتتاح کیا جائیگا۔
گوادر پورٹ کے ا پریشنل معاملات کا ذکر کرتے ہوئے وفاقی وزیر نے بتایا کہ دوست ملک چائنہ سے دوہزارتیرہ کے معاہدے کی روشنی میں بندر گاہ کے ا پریشنل معاملات چائنہ کے حوالے کر دیے گئے اور گوادر پورٹ اتھارٹی کیساتھ مشاورت کر کے چائنہ ہی اس کے ا پریشنل معاملات دیکھ رہا ہے۔ انھوں نے گوادر پورٹ پر ترقیاتی کاموں کے بارے میں مزید کہا کہ ہماری حکومت گوادر میں ’’ایسٹ بے ایکس پریس وے‘‘ تعمیر کر رہی ہے اور یہ سڑک پوری گوادر پورٹ پر شریان کی سی اہمیت رکھتی ہے کیونکہ پورٹ کی ساری ٹریفک اور انتقال رسانی کا کام اسی شاہراہ کے ذریعے سے ہو گا۔ وفاقی وزیر نے کہا منصوبے کی جلد تکمیل کیلیے دن رات کام جاری ہے اور چودہ ارب روپے اس منصوبے کی تکمیل پر لاگت ا ئیگی۔