کراچی(نیوزیسک)این اے 246کے ضمنی انتخاب میں حکمران جماعت مسلم لیگ ن نے جماعت اسلامی کی حمایت کا اعلان کر دیاہے۔پریس کانفرنس سے خطاب کرتے ہوئے مسلم لیگ ن کے صدر اسماعیل راہو نے کہاکہ مسلم لیگ ن کراچی میں اینے 246کے انتخاب میں جماعت اسلامی کی حمایت کرے گی کیونکہ ہمارا مقصد کراچی میں نفرت کی سیاست ختم کرناہے۔
اس موقع پر جماعت اسلامی کے رہنما حافظ نعیم الرحمان نے کہاہے کہ 23اپریل کو جماعت اسلامی بڑی قوت بن کر سامنے آئے گی اور کراچی میں امن کیلئے تمام جماعتیں مل کر چلنے کیلئے تیار ہیں۔
واضح رہے کہ اس وقت پورے ملک کی توجہ این اے 246کے ضمنی انتخاب کی جانب مبذول ہے جہاں ایم کیوایم ،تحریک انصاف اور جماعت اسلامی کے تینوں امیدواروں کے درمیان کانٹے کا مقابلہ متوقع ہے۔گزشتہ روز ایم کیوایم کی جانب سے اپنی سیاسی قوت کا مظاہر کیا گیاہے اور آج تحریک انصاف سیاسی قوت کا مظاہر کرنے جار ہی ہے۔