لاہور(نیوزڈیسک)وفاقی وزیر ریلوےزخواجہ سعد رفیق نے کہا ہے کہ عمران خان کو اب جوڈیشل کمیشن میں دھاندلی کے ثبوت دینے ہونگے اور ہم بھی ان کا پیچھا چھوڑنے والے نہیں ، سردار ایاز صادق اور میرے حلقے کے حوالے سے الیکشن ٹربیونلز کا فیصلہ آنے والا ہے جس میں دودھ کا دودھ اور پانی کا پانی ہو جائے گا اور جھوٹا شخص ایکسپوز ہوگا، الیکشن کمیشن حکومتی شخصےات کی طرف سے سرکاری وسائل کے استعمال پر تو پابندی لگا سکتا ہے لیکن افراد ، ان کی نقل وحرکت یا ان کی کسی سےاسی سرگرمی پر پابندی نہیں ہونی چاہیے،قانونی چارہ جوئی کے سلسلہ میں الیکشن کمیشن اور عدالت سے رجوع کیا جائے گا۔ ان خیالات کا اظہار انہوں نے پاکستان ریلویز اور نیسپاک کے درمیان اسٹیشنز کی اپ گریڈیشن کے حوالے سے طے پانےوالے معاہدے کے موقع پر میڈیا سے گفتگو کرتے ہوئے کیا۔اس موقع پر نیسپاک کے ایم ڈی امجد علی خاں ، ایڈوائزر پاکستان ریلویز انجم پرویز ، چیف ایگزیکٹو آفیسر ریلوےز جاوید انور بوبک ، آئی جی ریلوے سمیت دیگر حکام بھی موجود تھے۔خواجہ سعد رفیق نے بتایا کہ پاکستان ریلویز نے اپنے بڑے اور اہم ریلوے اسٹیشنز کی اپ گریڈیشن کا فیصلہ کیا ہے جس کو دو حصوں میں تقسیم کیا گیا ہے،ایک اپ گریڈیشن پی ایس ڈی پی سے کی جائے گی جبکہ دوسری اپ گریڈیشن ریلوے کے اپنے ریونیو سے کی جائے گی، انہوں نے کہا کہ لاہور کا سٹی اسٹیشن ایک میگا پراجیکٹ ہے جسے تاریخی اہمیت حاصل ہے اس پر بھی ریلوے کام کررہا ہے۔اس پراجیکٹ کی تکمیل کے بعد پاکستان ریلوے کا شمار ریجن کی بہترین ریلویز میں ہو گا جبکہ اس سے نہ صرف مسافروں کو بہترسہولیات ملیں گی بلکہ اس سے ریلوے کی آمدنی میں بھی اضافہ ہوگا۔انہوں نے کہا کہ پاکستان ریلویز کی بحالی کے لئے ہر روز ایک قدم آگے بڑھ رہے ہیں۔اسٹیشنز پر ٹرین کی آمد کے اوقات میں بجلی کی بندش کے دوران متبادل ذرائع جنریٹر سے بجلی مہیا کی جائے گی ، پینے کا پانی اور پنکھے لگے ہوں گے تاکہ مسافروں کے بہتر سہولیات میسر آ سکیں۔ ریلوے اسٹیشنز پر موجود ویٹنگ رومزکھولنے کی ہدایت کر دی ہے۔ انہوں نے بتایا کہ آئندہ سال کے آخر تک ریلوے میں ای ٹکٹنگ کا نظام متعارف کرا دیا جائے گا جس سے نظام میں شفافیت آنے کے ساتھ مسافروںں کو قطاروں میں نہیں لگنا پڑے گا۔انہوں نے کہا کہ رےلوے مےں ہونے والی سرماےہ کاری مےں کراچی تا پشاور مین لائن ون کی اپ گرےڈےشن ہمارا مین پراجیکٹ ہے جس کی فزیبلٹی پاکستان ریلوے اپنے اخراجات سے بنا رہا ہے تاکہ اسے ریلوے کے مفاد کے مطابق بنایا جا سکے۔انہوں نے چین کے صدر کے دورہ پاکستان کے حوالے سے کہا کہ چینی صدر کا پاکستان کا دورہ خوش آئند ہے جس سے ترقی کی راہیں کھلیں گی۔ایک سوال کے جواب میں خواجہ سعد رفیق نے کہا کہ جوڈیشل کمیشن عمران خان کی ضد پر انہیںمطمئن کرنے کے لئے بنایا گیا،اب تحریک انصاف کے چیئرمین کو چاہیے کہ وہ انتخابات میں ہونے والی دھاندلی کے ثبوت جوڈیشل کمیشن کو فراہم کریں، انتخابات کے بعد مسلم لیگ (ن) کی حکومت بنی ہے اس لئے پی ٹی آئی کو انتخابات میں منظم دھاندلی کے الزامات کو جو ڈےشل کمےشن مےں ثابت کرنا پڑے گا۔ اس معاملے میں ہمارا بہت بڑا میڈیا ٹرائل کیا گیا ہے۔ ہم بھی پیچھا چھوڑنے والے نہیں اور آخری حد تک مقابلہ کریں گے
عمران خان کو اب جوڈیشل کمیشن میں دھاندلی کے ثبوت دینے ہونگے، خواجہ سعد رفیق
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
حکومت نے پیٹرول اور ڈیزل کی نئی قیمتوں کا اعلان کردیا
-
پی ایس او نے ایل پی جی کی فی کلو قیمت مقرر کردی
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
پاکستان سمیت 15 ممالک کا برطانیہ، آسٹریلیا کے اسرائیل پر پابندیاں لگانے کے فیصلے کا خیرمقدم



















































