پشاور(این این آئی) خیبرپختونخوا میں پاکستان تحریک انصاف کے دو صوبائی وزراء عاقب اللہ اور فیصل ترکئی نے استعفیٰ دے دیا۔فیصل ترکئی نے استعفے کی کاپی سوشل میڈیا پر بھی جاری کی اور تصدیق کی کہ انہوں نے صوبائی کابینہ سے استعفیٰ دے دیا ہے۔

دونوں وزرا ء نے اپنے استعفے وزیراعلیٰ خیبر پختونخوا علی امین گنڈا پور کو ارسال کر دیے ہیں۔دونوں وزرا کا تعلق صوابی سے ہے، عاقب اللہ سابق اسپیکر اسد قیصر کے بھائی ہیں جب کہ فیصل ترکئی رکن قومی اسمبلی شاہرام ترکئی کے بھائی ہیں۔دوسری جانب ترجمان وزیراعلیٰ خیبر پختونخوا فراز مغل کا کہنا ہے کہ صوبائی وزرا عاقب اللہ اور فیصل ترکئی نے خود استعفے دیے ہیں، وزیراعلیٰ نے وزرا سے استعفے طلب نہیں کیے ہیں۔