راولپنڈی(این این آئی)بانی پاکستان تحریک انصاف کو اڈیالہ جیل سے منتقل کیے جانے کا امکان ہے۔ذرائع کے مطابق توشہ خانہ ٹو کیس کا فیصلہ سنائے جانے کے بعد بانی ٹی آئی عمران خان کو اڈیالہ جیل سے منتقل کیے جانے کا امکان ہے، راولپنڈی قاسم مارکیٹ کے علاقے میں خصوصی جیل تیار کرلی گئی۔جیل کے تمام انتظامات اور ضروری قانونی تقاضے بھی مکمل کرلیے گئے، بانی پی ٹی آئی کے ساتھ بشریٰ بی بی کو بھی خصوصی جیل منتقل کیے جانے کا امکان ہے، خصوصی جیل میں 40افراد پر مشتمل جیل عملہ 31جولائی سے تعینات کر دیا گیا۔ذرائع کے مطابق خصوصی جیل کی ذمہ داری ڈی ایس پی پریژن کو سونپ دی گئی۔