مکہ مکرمہ(این این آئی)تحریک انصاف کے سابق رکن قومی اسمبلی فہیم خان کو سعودی عرب میں گرفتار کرلیاگیا۔پی ٹی آئی کی جانب جاری بیان کے مطابق سابق ایم این اے فہیم خان کو سعودی عرب میں گرفتار کیا گیا ہے ،فہیم خان نے خانہ کعبہ کے سامنے 9مئی سے متعلق ویڈیو بنائی تھی۔پی ٹی آئی کراچی کی جانب سے یہ الزام عائد کیا گیا کہ حکومتی ایما پر فہیم خان کی گرفتاری عمل میں لائی گئی ہے۔

حلیم عادل شیخ نے فہیم خان کی گرفتاری پر کہا کہ ہمارے ساتھی سابق و موجودہ فارم 45ایم این اے فہیم خان کو سعودی عرب میں گرفتار کر لیا گیا ہے۔انہوں نے کہاکہ ہم ان کی فیملی سے مسسلسل رابطے میں ہیں اور فہیم خان کو جلد از جلد رہا کروانے کیلئے تمام رابطہ اور وسائل بروئے کار لا رہے ہیں۔انہوںنے کہاکہ فہیم خان کا جرم صرف اتنا ہے کہ انہوں نے خانہ کعبہ کے سامنے کھڑے ہوکر اپنے بانی پی ٹی آئی کیلئے وڈیو پیغام جاری کیا تھا۔