اسلام آباد(مانیٹرنگ ڈیسک)معروف صحافی ڈاکٹر دانش نے پی آئی اے کے قیمتی ترین اثاثے روز ویلٹ ہوٹل کو لیز پر دینے کی سازش سے متعلق سوالا ت اٹھاتے ہوئے نہایت بڑا دعویٰ کر دیا، ٹویٹر پر پیغام جاری کرتے ہوئے انہوں نے کہا کہ پی آئی اے کے قیمتی ترین اثاثے روز ویلٹ ہوٹل نیورک کو لیز پر دینے کی ساز ش تیار ؟ عمران خان کے قریبی دوست اور موجودہ حکومت کے ایک معاون خصوصی بیک گراونڈ میں ا س کے خریدار ہیں ۔ڈاکٹر دانش نے
اگلے پیغام میں بات کو آگے بڑھاتے ہوئے سوالیہ انداز میں لکھا کہ ” سابق سیکریٹری ایوی ایشن شاہ رخ کو بائی پاس کرکے اس ہوٹل کو لیز کرنے کا فیصلہ ؟ رکاوٹ بننے پر شاہ رخ کو وزیراعظم نے ان کے عہدے سے معاون خصوصی کے کہنے پر ہٹا دیا ۔“سینئر صحافی نے مزید کہا کہ” اقتصادی رابطہ کمیٹی کے اجلاس میں سابق سیکرٹری ایوی ایشن شار خ نے اس کی مخالفت کی تھی ، اجلاس کی منٹس آف میٹنگ میں ان کی مخالفت کار ریکارڈ موجود ہے ۔“
