فیصل آباد(این این آئی)پاکستان پیپلز پارٹی کے رہنما قمرزمان کائرہ نے کہاہے کہ پی ٹی ایم کے محسن داوڑ پر الزامات ہیں تو ٹرائل کیا جائے۔میڈیا سے گفتگو کرتے ہوئے انہوں نے کہا کہ پہلے محسن داوڑ کو ہیرو بنایا گیا اب ان پر غیر ملکی ایجنسیوں سے فنڈنگ کا الزام ہے۔انہوں نے کہا کہ غداریوں کے سرٹیفکیٹ بانٹنا مناسب بات نہیں، حکومت کو پہلے دن سے غیر مستحکم کرنا نہیں

چاہتے تھے۔قمر زمان کائرہ نے کہا کہ بلاول بھٹو زرداری نے کہا تھا کہ قدم بڑھائو عمران خان ہم تمہارے ساتھ ہیں لیکن اس تعاون کے ہاتھ کو یہ کہہ کر جھڑک دیا گیا کہ ہم کوئی این آر او یا کوئی رعایت مانگ رہے ہیں۔انہوں نے کہا کہ اپوزیشن کو حکومت ہٹانے اور ان کے خلاف تحریک چلانے کا کوئی شوق نہیں، حکومت ہر معاملے میں یو ٹرن لیتے ہوئے لوگوں کی زندگیوں میں تلخیاں نہ بھرے۔