پاکستان کا میزائل پروگرام روس نے ایساناقابل اعلان کردیا جو کسی کے وہم و گمان میں بھی نہ تھا

  اتوار‬‮ 26 مئی‬‮‬‮ 2019  |  12:11

ماسکو(آئی این پی)روس نے پاکستان کے میزائل پروگرام کی حمایت کرتے ہوئے کہا ہے کہ پاکستان متعلقہ بین الاقوامی ذمہ داریوں کے مطابق اپنے میزائل پروگرام کو ترقی دینے کا ہرحق رکھتا ہے، ہر ریاست کو اپنی سلامتی کی دیکھ بھال کرنے کا حق حاصل ہے۔ روسی خبررساں ادارے سپتنک نیوز کے مطابق روسی نائب وزیر خارجہ سرگئی راباوکوف نے اسلام آباد کے حالیہ زمین سے زمین تک مار کرنے والے شاہین ٹو بیلسٹک میزائل تجربے پر تبصرہ کرتے ہوئے کہا کہ اپنے ملکوں کے میزائل کو فروغ دینے والے ممالک کو متعلقہ بین الاقوامی ذمہ داریوں کے مطابق عمل کرنا


چاہیے، ہم پاکستان کے میزائل پروگرام کی ترقی کی راہ میں کوئی رکاوٹ نہیں دیکھ رہے ہیں۔انکا کہنا تھاکہ ہم ایسے اقدامات کے خلاف ہیں جوصورتحال کو کشیدہ کرسکتے ہیں بشمول جنوبی ایشیا جیسے اس حساس علاقے میں لیکن اس معاملے میں ہم یقین رکھتے ہیں کہ ہر ریاست کو اپنی سلامتی کی دیکھ بھال کرنے کا حق حاصل ہے۔واضح رہے کہ پاکستان نے23مئی کو زمین سے زمین پر مارکرنے والے بیلسٹک میزائل شاہین 2 کا کامیاب تجربہ کیا تھا۔ میزائل 1500 کلومیٹر تک اپنے ہدف کو باآسانی نشانہ بناسکتا ہے اور اس میں ہر قسم کا ایٹمی اور روایتی وار ہیڈ لے جانے کی صلاحیت ہے۔

موضوعات:

loading...