اسلام آباد (مانیٹرنگ ڈیسک)مودی کی ممکنہ کامیابی پر سوشل میڈیا پر وزیراعظم عمران خان کو مبارکبادیں ،تفصیلات کے مطابق بی جے پی نے عمران خان کےمودی سے متعلق بیان کو اپنی انتخابی مہم کا حصہ بنایا تھا۔جبکہ کچھ صارفین کا کہنا ہے

کہ بھارتی پائلٹ ابھینندن کی فوری رہائی نے بھی نریندر مودی کی انتخابی مہم کو تقویت بخشی، نریندر مودی اپنی پوری انتخابی مہم میں یہی راگ الاپتے رہے کہ ابھی نندن کو پاکستان نے ان کے کہنے اور ان کے دباؤ ڈالنے پر رہا کیا۔جس کی وجہ سے مودی الیکشن جیتنے میں کامیاب رہے ۔ادھربھارت میں ہونے والے انتخابات کے نتائج آنا شروع ہو گئے ہیں۔ جس میں حکمران جماعت بی جے پی مسلسل کامیابیاں سمیٹتی ہوئی نظر آ رہی ہے۔ انڈین نیشنل کانگریس کے راہول گاندھی کو شکست کا سامنا کرنا پڑا ہے۔اب تک سامنے آنے والے نتائج سے یہ واضح ہو گیا ہے کہ نریندر مودی کی جماعت اگلے پانچ سال بھارت پر حکومت کرے گی۔ میڈیا رپورٹس میں بتایا گیا ہےبھارتی انتخابات کے تحت 519 نشستوں کے سرکاری نتائج آ گئے ہیں۔ بھارتی الیکشن کمیشن کے مطابق بھارتیہ جنتا پارٹی (بی جے پی) 283 سیٹوں کے ساتھ پہلے نمبر پر آ گئی ہے۔ جبکہ راہول گاندھی کی انڈین نیشنل کانگریس 51 نشستوں کے ساتھ دوسرے نمبر پر ہے۔ تجزیہ کاروں کا کہنا ہے کہ اب تک موصول ہونے والے نتائج دیکھ کر یہ نتیجہ اخذ کیا جا سکتا ہے کہ بھارتی عوام نے مودی سرکار کی حمایت کا اعلان کر دیا ہے اور مودی کو جتوا کر اپنا فیصلہ سنا دیا ہے۔ قوی امکان ہے کہ بھارت میں اگلی حکومت بھی نریندر مودی کی ہی ہو گی۔

موضوعات:بھارتی الیکشن