حکومت کے خلاف میگاگرینڈ الائنس کی تیاری مکمل،بڑا قدم اُٹھالیاگیا

18  مئی‬‮  2019

اسلام آباد(آن لائن)پیپلزپارٹی نے حکومت کے خلاف گرینڈ الائنس کی تیاری مکمل کر لی۔ پیپلزپارٹی کے چیئرمین بلاول بھٹو نے مریم نواز، مولانا فضل الرحمان، اسفندر یار ولی، محمود خان اچکزئی، سراج الحق، آفتاب شیرپاؤ، اختر مینگل اور اویس شاہ نورانی سمیت مختلف پارٹیوں کے اہم عہدیداروں کو اتوار کی شام افطار ڈنر میں مدعو کر لیا ہے۔ جس میں عید کے بعد عوامی احتجاجی تحریک پر غور کیا جائے گا اور مختلف تجاویز پر تبادلہ خیال ہو گا۔

تفصیلات کے مطابق پیپلزپارٹی تمام اپوزیشن رہنماؤں کو ایک پیج پر لانے کے لئے متحرک ہو گئی ہے تاکہ حکومت کے خلاف ایک بڑا گرینڈ الائنس بن سکے۔ پیپلزپارٹی کے کو چیئرمین آصف علی زرداری نے مولانا فضل الرحمان کی رہائش گاہ پر جا کر ان سے ملاقات کی اور انہیں عمرے کی ادائیگی پر مبارک باد پیش کرتے ہوئے آج (اتوار کو) افطار ڈنر میں شرکت کی دعوت دی جسے مولانا فضل الرحمان نے قبول کر لیا۔ پیپلزپارٹی کے چیئرمین بلاول بھٹو نے مسلم لیگ (ن) کی نائب صدر مریم نواز اور پنجاب اسمبلی میں اپوزیشن لیڈر حمزہ شہباز کو بھی افطار ڈنر میں شرکت کی دعوت دی ہے جو انہوں نے قبول کر لی اور آج مسلم لیگ کا وفد مریم نواز کی قیادت میں افطار ڈنر میں شرکت کرے گا۔ اس کے علاوہ بلاول بھٹو نے مختلف پارٹیوں کے سربراہان اسفندر یار ولی، محمود خان اچکزئی، آفتاب شیر پاؤ، سراج الحق، اختر مینگل اور اویس شاہ نورانی سمیت دیگر اہم اپوزیشن رہنماؤں کو ٹیلی فون پر افطار ڈنر میں شرکت کی دعوت دی ہے جو کہ انہوں نے قبول کر لی۔ لیکن جماعت اسلامی کے ترجمان نے بتایا کہ جے آئی امیر سراج الحق غیر ملکی دورے پر ہیں اور وہ افطار ڈنر میں شرکت نہیں کر سکیں گے لیکن جماعت اسلامی کا وفد شرکت کرے گا۔ افطار ڈنر میں بلاول بھٹو زرداری تمام پارٹیوں کے سربراہوں کے سامنے حکومتی  پالیسیوں اور بڑھتی ہوئی مہنگائی کی وجہ سے غریب عوام پر بوجھ حوالے سے آگاہ کریں گے اور عید کے بعد حکومت کے خلاف عوامی احتجاجی تحریک چلانے پر تجاویز پیش کریں گے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…