اسلام آباد(مانیٹرنگ ڈیسک) سینئر صحافی و تجزیہ کار چوہدری غلام حسین نے نجی ٹی وی پروگرام میں گفتگو کرتے ہوئے کہا ہے کہ کچھ دنوں سے آپ نے دیکھا ہو گا کہ سابق وزیرو بینظیر انکم سپورٹ پروگرام کی سربراہ ماروی میمن،جنہوں نے اسحاق ڈار سے شادی کی تھی جس کے بعد ان پر مصیبتوں کے پہاڑ ٹوٹ پڑے ۔
انہوں نے کہا کہ ماروی میمن یہ سمجھتی ہیں کہ ان پر قیامت ٹوٹ پڑی ، ان کو اور ان کے خاندان کو تباہ کر دیا گیا۔ایک سوچی سمجھی سازش کے تحت اسحاق ڈار اور ایک سابق خاتون وزیر نے ان پر مظالم کیے اور ان کو تباہ کرنے کی کوشش کی۔ انہوں نے کہاکہ ماروی میمن نے تمام رازوں سے پردہ اٹھانے کا فیصلہ کیا ہے، جس پر وہ سابق خاتون وزیر جنہوں نے قانون میں ترمیم کے وقت زاہد حامد کو قربانی کا بکرا بنوادیا تھا ۔آج یہ عالم ہے کہ وہ خاتون وزیر، جن کے نام کے آخر میں ’’رحمان‘‘ لگتا ہے، نے ماروی میمن کے آگے ہاتھ جوڑ لیے ہیں اور ان سے کہا ہے کہ آپ ہمیں معافی دے دیں۔ہماری جان چھوڑ دیں ، ہم پہلے ہی بہت پریشان ہیں۔ لیکن ماروی میمن ایسی کسی معافی تلافی کے لیے آمادہ نہیں ۔ ماروی میمن کا کہنا ہے کہ اگر میں نے شادی کی تو وہ ایک شرعی نکاح ہے، میں ان سب کے راز اگل دوں گی کہ انہوں نے کب کب اور کیا کیا کیا ہے۔ میں سب کو بتا دوں گی کہ انہوں نے ملک کے ساتھ کیا کیا ہے۔ انہوں نے کہا کہ اگر اسحاق ڈار عوام کے سامنے اپنے جرائم کا اعتراف کر لیں تو ہو سکتا ہے کہ ماروی میمن مان جائیں اور وہ ان کے راز فاش نہ کریں۔چوہدری غلام حسین نے کہا کہ طارق باجوہ کے والد اسلم باجوہ بھی ایک اچھے عہدے پر تعینات تھے۔
ان کے بارے میں بھی یہی کہا جا رہا تھا کہ وہ ایک بہت اچھے افسر ہیں لیکن اب موصول ہونے والی اطلاعات کے مطابق وہ اسحاق ڈار کو معلومات لیک کر رہے تھے اور انہوں نے راتوں رات ہی روپے کی قدر میں دس روپے کی کمی کر دی، انہوں نے معیشت کو بھی تباہ کر دیا۔ تاہم اب انہیں ہٹا دیا گیا ہے۔ اسحاق ڈار کی دو شادیوں کا مجھے علم ہے لیکن اب تیسری شادی کی بھی بات آ رہی ہے۔ لیکن یہ سمجھ سے باہر ہے کہ سابق خاتون وزیر ماروی میمن سے کس چیز کی معافی مانگ رہی ہیں۔واضح رہے کہ ماروی میمن ان دنوں سوشل میڈیا پر بہت ایکٹو ہیں ۔
