اسلام آباد (این این آئی)وزارت اوورسیز پاکستانی کی جانب سے کال سر زمین موبائل ایپ متعارف کرادی گئی۔ تفصیلات کے مطابق موبائل ایپ پر بیرون ملک مقیم پاکستانی اپنی شکایات درج کروا سکیں گے،موبائل ایپ پر درج کی گئی شکایات کو معاون خصوصی زلفی بخاری خود مانیٹر کریں گے،کال سرزمین سروس پچھلے سال نومبر میں متعارف کی گئی تھی،موبائل ایپ میں ایک دفعہ کی رجسٹریشن درکار ہوگی،شکایات وزارت کے محکموں کو فوری طور

پر ارسال ہو جائیں گی ، انیس ممالک میں موجود ویلفیئر اتاشی بھی شکایات فوری طور پر اپنی اسکرین پر دیکھ سکیں گے۔ معاون خصوصی زلفی بخاری کے مطابق موبائل ایپ شکایات کے بروقت اندراج کے لیے ایک اہم قدم ہے۔ معاون خصوصی نے کہاکہ بیرون ملک مقیم پاکستانیوں کی شکایات منٹوں میں میری موبائل اسکرین پر ہونگی۔ زلفی بخاری نے کہا کہ اوورسیز پاکستانی ہمارہ قیمتی اثاثہ ہیں،موبائل ایپ سے وزارت اب 24 گھنٹے فعال رہے گی۔

موضوعات:زلفی بخاری