لاہور(سی پی پی ) مسلم لیگ(ن) کے صدر و قومی اسمبلی میں قائد حزب اختلاف میاں شہباز شریف کا کہنا ہے بھارتی جارحیت پر پوری قوم ایک پیج پر ہے، قوم افواج پاکستان کے ساتھ کھڑی ہے، پاکستان کی امن پسندی کو کمزوری مت سمجھا جائے، پاکستان پورے خطے میں امن چاہتا ہے‘بھارت نے جنگ شروع کی تو نئی دہلی پر پاکستان کا پرچم لہرائے گا‘ بھارتی قیادت ہوش کے ناخن لے، خطے کو اپنے ہاتھوں سے آگ میں نہ دھکیلے۔ منگل کو بھارت کی جانب سے پاکستانی سرحدی حدود کی

خلاف ورزی پر اپنے شدید ردعمل کا اظہار کرتے ہوئے مسلم لیگ(ن) نے اس عزم کا اظہار کیا کہ بھارتی جارحیت پر پوری قوم ایک پیج پر ہے۔ شہبازشریف نے کہا کہ قوم افواج پاکستان کے ساتھ کھڑی ہے، پاکستان کی امن پسندی کو کمزوری مت سمجھا جائے، پاکستان پورے خطے میں امن چاہتا ہے۔ یاد رہے بھارتی طیاروں کی مظفر آباد سیکٹر میں دراندازی کی کوشش پر شاہینوں کے فضا میں بلند ہوتے ہی بزدل بھارتی طیارے بدحواسی کے عالم میں بالاکوٹ کے قریب ہتھیار پھینک کر بھاگ گئے۔

موضوعات:شہباز شریف