سرینگر (این این آئی) ) مقبوضہ کشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران ہفتہ کو ضلع پلوامہ میں مزید6 کشمیری نوجوان شہید کر دیئے ہیں۔کشمیر میڈیاسروس کے مطابق فوجیوں نے نوجوان کو ضلع کے علاقے ترال میں آرم پورہ کے مقام پر محاصرے اور تلاشی کی کارروائی کے دوران شہید کیا۔شہید ہونیو الوں کے نام صالح محمد آخون، راسخ میر، رؤف میر، عمر رمضان، ندیم صوفی اور فیصل جاوید کھانڈے بتائے جاتے ہیں۔

قابض انتظامیہ نے لوگوں کی تازہ ترین صورتحال کے بارے میں ایک دوسرے کو معلومات کی فراہمی سے روکنے کیلئے ضلع پلوامہ میں موبائل فون انٹرنیٹ سروس معطل کر دی ۔انتظامیہ نے مقبوضہ وادی میں چلنے والی ریل سروس بھی معطل کر دی ہے۔ادھر بھارتی ریاست اتراکھنڈ کے ضلع Rudraprayagمیں چھ کشمیری مٹی کے تولے تلے آنے کے سبب جاں بحق ہوگئے۔جاں بحق ہونے والوں کا تعلق مقبوضہ وادی کشمیر کے ضلع بارہمولہ کے علاقے اوڑی سے بتایا جاتا ہے۔