اسلام آباد (مانیٹرنگ ڈیسک)وزیراعظم عمران خان کی زیر صدارت وفاقی کابینہ کا اجلاس، عمران خان نے رکن قومی اسمبلی محسن داوڑ اور علی وزیر کے نام ای سی ایل سے نکالنے کا حکم دیدیا۔ وفاقی کابینہ کے اجلاس یں 31نکاتی ایجنڈے پر غور کیا جا رہا ہے۔ اجلاس میں وزیر خزانہ اسد عمر حکومتی اخراجات میں کمی سے متعلق بریفنگ دیں گے جبکہ کابینہ کو سرمایہ پاکستان کمپنی کے حوالے سے بھی بریف کیا جائے گا، مقامی حکومتوں کے بورڈ کے قیام کا معاملہ بھی ایجنڈے میں شامل ہے۔

ماسٹر پلان پر نظرثانی کے لئے کمیشن کا قیام بھی ایجنڈے کا حصہ ہے، ادویات کی قیمتوں کی زیادہ سے زیادہ حد مقرر کرنے کی منظوری متوقع ہے، مہاجرین کی واپسی کے لئے پاک افغان لائحہ عمل پر بھی غور ہو گا، کابینہ اجلاس میں فاٹا اصلاحات پر بریفنگ، بیلارس اور پاکستان کے درمیان دفاعی تعاون کے معاہدے، تہران اور ایتھنز میں ایف آئی اے رابطہ دفاتر کیلئے اخراجات کی منظوری دی جائے گی۔ وفاقی کابینہ ڈرگ ریگولیٹری اتھارٹی کے چیف ایگزیکٹو آفیسر کی تقرری کی منظوری دے گی۔

موضوعات:علی وزیر محسن داوڑ وفاقی کابینہ