لاہور(سی پی پی، آن لائن) ڈاکٹر عامر لیاقت حسین کی پی ٹی آئی میں شمولیت پر نظریاتی کارکنوں کی جانب سے شدید تنقید کی جارہی ہے، انہی کارکنوں میں ایک بڑا نام فوزیہ قصوری کا بھی ہے جنہوں نے عامر لیاقت کی پی ٹی آئی میں شمولیت پر انتہائی مایوسی کا اظہار کیا ہے۔عامر لیاقت حسین کی پی ٹی آئی میں شمولیت کی خبر آئی تو فوزیہ قصوری نے ٹوئٹر پر انتہائی مایوسی کا اظہار کیا اور کہا ہماری میرٹ اور انصاف کیلئے 2 دہائیوں پر مشتمل جدوجہد کا ہمیں یہ نتیجہ ملا ہے،
میرے پاس الفاظ ختم ہوگئے ہیں۔یاد رہے کہ اس سے پہلے پاکستان کے معرو ف گلوکار سلمان احمد بھی پاکستان تحریک انصاف سے باہر ہوگئے گلوکار سلمان احمد نے اپنے ایک ٹوئیٹ میں کہا ہے کہ انہوں نے 35 سال پی ٹی آئی کی حمایت کی تاہم ان کیلئے اب ایسا ممکن نہیں رہا ان کا یہ بھی کہنا ہے کہ پی ٹی آئی کے سربراہ عمران خان کو سانپوں نے گھیر لیا ہے پارٹی کو عامر لیاقت سے خبردار کرنا میراحق ہے کیونکہ پارٹی کو اس جھوٹے اور منافق شخص سے فائدہ نہیں ہوگا ۔
