اسلام آباد (مانیٹرنگ ڈیسک) ڈی جی آئی ایس آئی جنرل (ر) رضوان اختر سے متعلق صحافی کے سوال پر میجر جنرل آصف غفور کا حیران کن جواب۔ تفصیلات کے مطابق پاک فوج کے شعبہ تعلقات عامہ (آئی ایس پی آر) کے سربراہ میجر جنرل آصف غفور سے ایک صحافی نے آئی ایس آئی کے سابق سربراہ جنرل (ر) رضوان اختر کے استعفے سے
متعلق سوال پوچھا تو ڈی جی آئی ایس پی آر نے کہا کہ پاک آرمی بہت بڑا ادارہ ہے جس میں کئی افسران ریٹائر ہوتے ہیں اور جہاں تک جنرل (ر) رضوان اختر کے استعفے کا تعلق ہے تو وہ ان کا ذاتی نوعیت کا فیصلہ تھا اس لئے اس کو غلط تناظر میں نہ دیکھا جائے۔ فوج میں آفیسرز ریٹائر ہوتے ہیں ریٹائرمنٹ لیتے ہیں یہ کوئی حیران کن بات نہیں۔
