راولپنڈی (آن لائن) ڈی جی آئی ایس پی آر میجر جنرل آصف غفور نے کہا ہے کہ ملک بھر میں آپریشن رد الفساد کامیابی سے جاری ہے۔،پاک رینجرز پنجاب کی محکمہ انسداد دہشت گردی/پنجاب پولیس اور انٹیلی جنس اداروں کی مشترکہ کارروائیوں کے دوران 14ملزمان اور سہولت کار گرفتار کرلئے گئے ہیں ۔ پاک فوج کے
شعبہ تعلقات عامہ (آ ئی ایس پی آر ) سے جاری بیان کے مطابق انٹیلی جنس بنیادوں پر یہ کارروائیاں اٹک،اسلام آباد ،لاہور اور ڈیرہ غازی خان میں کی گئی ہیں جس کے نتیجہ میں سہولت کاروں اور سمگلرز سمیت14ملزمان کو گرفتار کیا گیا ہے ملزما ن کے قبضے سے غیر قانونی ہتھیار ، مختلف اقسام کا گولہ بارود بھی برآمد ہوا ہے۔
