اسلام آباد (مانیٹرنگ ڈیسک) قومی اسمبلی کی قائمہ کمیٹی نے نئے اسلام آباد ایئر پورٹ کا نام ” قائد اعظم انٹرنیشنل ایئر پورٹ“ رکھنے کی منظوری دے دی ۔کمیٹی کا اجلاس جنید انور چوہدری کی زیر صدرات ہوا، اجلاس کے دوران نئے اسلام آباد ایئر پورٹ کا نام” قائد اعظم انٹرنیشنل ایئر پورٹ“ رکھنے کی منظوری دی گئی۔

ایئر پورٹ کا نام رکھنے کی تجویز مسلم لیگ ن کے رکن قومی اسمبلی چوہدری محمود بشیر ورک کی جانب سے دی گئی ۔جسےتمام ارکان نے متفقہ طور پر منظور کرلیا۔ انہوں نے کہا کہ قائد اعظم نے قوم کو اکٹھا کیا اور وہ قوم کے باپ ہیں اسی لیے میں سمجھتا ہوں کہ ان کی یاد میں اس ایئر پورٹ کا نام قائد اعظم انٹرنیشنل ایئر پورٹ ہونا چاہیے۔واضح رہے نیا اسلام آباد ایئر پورٹ 37 ارب روپے کی لاگت سے شروع کیا گیا تھا تاہم اب اس کی لاگت میں 170 فیصد اضافہ ہو چکا ہے ۔