لاہور (مانیٹرنگ ڈیسک) نجی ٹی وی پروگرام میں گفتگو کرتے ہوئے تحریک انصاف کے چیئر مین عمران خان کی سابق اہلیہ ریحام خان نے کہا ہے کہ توبہ توبہ تیسری شادی نہیں کروں گی ، علیم خان ، جہانگیر ترین سے کوئی پیسے یا فلیٹس نہیں لیے ، تحریک انصاف نے اپنے ووٹرزکی بے حرمتی کی ، 2018 کے انتخابات میں مسلم لیگ ن کامیاب ہوگی ۔ انہوں نے کہا کہ عمران خان کو مستقبل قریب میں وزیر اعظم بنتے نہیں دیکھ رہی کیونکہ تحریک انصاف اپنے نظریہ پر عمل پیرا نہیں ہوئی ، انہوں

نے کہا کہ 2018 کے انتخابات میں بھی مسلم لیگ ن کامیاب ہوتی نظر آرہی ہے ، ریحام خان کا کہنا تھا کہ اپنا ہر کام جلد بازی میں کرتی ہوں ، عمران خان سے شادی کا فیصلہ غلط تھا ۔۔ سیاست میں حصہ لینے کے سوال پر ریحام خان نے کہا کہ مجھے آبائی گاؤں بفا سے الیکشن لڑنے کی پیشکش ہے لیکن ابھی اس بارے میں سوچا نہیں ۔ ان کا کہنا تھا کہ میرا تعلق مسلم لیگی گھرانے سے ہے ، مجھے سیاست کے لیے صرف مسلم لیگ ن سے پیشکش نہیں کی گئی بلکہ دوسری جماعتوں نے بھی پیشکش کی تھی ۔